काठमाडौं । चालु आर्थिक वर्षको तेस्रो त्रैमाससम्म युनाइटेड मोदी हाइड्रोपावरले खुद नाफा ३०.५९ प्रतिशतले बढाएको छ । अघिल्लो आर्थिक वर्ष चैतसम्म आउँदा ४ करोड ४ लाख २ हजार खुद नाफा कमाएको मोदीले चालु आर्थिक वर्षको चैतसम्ममा ५ करोड २७ लाख ६५ हजार रुपैयाँ खुद नाफा कमाएको हो।

समिक्षा अवधिमा सञ्चालन आम्दानी भने घटेको छ । गत वर्ष २३ करोड ५२ लाख २१ हजार रुपैयाँ रहेको सञ्चालन आम्दानी यो वर्ष २२ करोड ६३ लाख ५१ हजार रुपैयाँमा सीमित भएको कम्पनीको आज प्रकाशित वित्तिय विवरणमा उल्लेख छ ।

कम्पनीको चैत मसान्तसम्म आइपुग्दा प्रतिसेयर आम्दानी ४ रुपैयाँ ५९ पैसा र प्रतिसेयर नेटवर्थ १०५ रुपैयाँ ७२ पैसा छ । चुक्ता पुँजी १ अर्ब १५ करोड रुपैयाँ र जगेडा कोषमा ६ करोड ५७ लाख ८७ हजार रुपैयाँ छ ।

२०७८ वैशाख ३१ गते प्रकाशित