काठमाडौं । नेपालका लागि प्रोटोन गाडीको आधिकारिक वितरक जगदम्बा मोटर्सले कम्प्याक्ट विद्युतीय एसयूभी प्रोटोन इ.मास ५ को नयाँ टिभिसी फिल्म ‘रिडिफाइन योर एभ्रिडे’ सार्वजनिक गरेको छ।

अभियानले काम, परिवार, सिर्जनशीलता र यात्रासँग जोडिएका चार फरक कथामार्फत आधुनिक सहरी जीवनका विविध पक्षलाई प्रस्तुत गरेको छ। टिभिसीमा करियरको महत्वपूर्ण मोडमा रहेका युवा उद्यमी, सिर्जनात्मक स्थानको खोजीमा रहेका कलाकार, योजनाविनै यात्रामा निस्किएका साथीहरू र परिवारसँग समय बिताइरहेका पात्रका कथा समेटिएका छन्।

अभियानले प्रोटोन इ.मास ५ को प्रविधिलाई मात्र केन्द्रमा नराखी यसको फराकिलो स्पेस, आरामदायी इन्टेरियर र बहुउपयोगिताले दैनिक जीवनलाई कसरी सहज बनाउन सक्छ भन्ने पक्षलाई प्रस्तुत गरेको कम्पनीले जनाएको छ। हालै सम्पन्न नाइमा नेपाल मोबिलिटी एक्स्पो २०२६ मा प्रोटोन इ.मास ५ ले ग्राहकबाट उच्च चासो र बुकिङ प्राप्त गरेको कम्पनीको दाबी छ।

प्रोटोन इ.मास ५ प्राइम र प्रिमियम भेरियन्टमा उपलब्ध छ। यसमा रियर–ह्विल ड्राइभ, जि–ट्र्याक्सन कन्ट्रोल, ३२ वटा स्मार्ट स्टोरेज कम्पार्टमेन्ट, ७० लिटरको फ्रन्ट ट्रंक, १४.६ इन्चको फुल–एचडी टचस्क्रिन तथा भेहिकल–टु–लोड (भी–टु–एल) क्षमता रहेको छ। मुख्य टिभिसी सार्वजनिक भएसँगै चारवटै कथामा आधारित छुट्टाछुट्टै छोटा फिल्म पनि आगामी हप्तामा प्रोटोन नेपालका डिजिटल प्लेटफर्ममार्फत क्रमशः सार्वजनिक गरिने कम्पनीले जनाएको छ।