back
skip this Samagra

आमा, तिमी यति कठोर कसरी ?

कसले भन्छ आमा कोमल मनका मात्रै हुन्छन् भनेर? अहँ म यो मान्न तयार छैन, मैले मेरी आमालाई कोमल भन्दा ज्यादा कठोर देखेकी छु । अझ भनौ मेरी आमामा कोमलत्वको भावना नै देखेकी छैन ।

मेरी आमाले सृष्टिको नियम मान्न जन्मदिने बाऊ–आमा छोडेर मेरो बाऊको घर आईन् । सृष्टिको नियम मान्दै गर्दा उनले आमाको आँशु केही मानिनन् । हेर्नुस् त मेरी आमा कति कठोर ! म त सक्दीन त आमा तिमीलाई छोडेर कतै टाढा जान !

आमा बाऊ छोड्ने कुरा त परैको भयो, श्रीमानको लागि सिन्दूर, चुरा, तिलहरी र रातै कपडा लाएर आफ्ना रहरको पहिरनहरुलाई यति सजिलै श्रद्धान्जलि दिन न हिच्किचाउने तिम्रो मनलाई यो समाजले कसरी भन्यो कोमल मनले भरिएको हुन्छ आमाको मन ?

मेरो बाऊलाई सर्वस्व ठानेर मेरो बाऊको घर आएकी मेरी आमा फेरी बाऊलाई कसरी विदेश पठाउन सकेकी ? अब भन्नुस् त पाठक मित्र म कसरी भनुँ मेरी आमा कोमल छिन् भनेर?

मलाई त दुईओटा कापि र कलम भरिएको झोला बोक्न पनि कति ग्राहो हुन्छ, तिमीले त पेटमा ३–४ केजीको हामीलाई नौँ महिनासम्म कसरी राखेकी ? म त त्यो कापि किताबको झोला बोकेर स्कुल जाँदा रुदैँ जान्छु त । आमा तिमी त कति कठोर, अप्ठारो हुँदा विसाउन समेत नमिल्ने तीन चार केजिको भारी भेटमा बोकेर घाँस काट्न जाँदा पनि हाँसि हाँसि जाने ?

म त छुस्स काँडाले कोतार्दा, थोरै ठेस लाग्दा पनि सहनै सक्दीन । अरु त परैको कुरा हो कपाल कोर्दा कपालको जरा दुख्यो भनेर रुन्छु । तिमीले कतै घुमाउन लैजान्छु वा केही मिठो खानेकुरा दिन्छु नभनेसम्म म त रोहीरहन्छु त आमा, अनि तिमी कति कठोर ! मृत्यु सँग भिडन्त गर्दै प्रसव पिंडा सहेर पनि सन्तानको मुख हेर्दा साथ मुस्कुराउँछेऊ ।

मलाई त खानेकुरा देख्नासाथ मुख रसाउँछ तर तिम्रो मुख कसरी सुख्छ र तिमी आफुले नखाई नखाई पटुकीमा कसेर सन्तानका लागि लिईदिन्छिऊ ?

तिमी कति कठोर हौ आफ्नै आत्मा मार्न सक्ने ?
आफु भोको बसेर, झुक्रो लगाएर सधै सन्ताको लागि सोच्न सक्ने ।

तिमी कति कठोर हौँ आमा ! सन्तानको लागि दुस्मनले ताकेको गोली आफ्नो छातिमा थाप्न सक्ने ? कतै पढेको थिए आमा भगवान् हुन् भनेर । अनि मैले भगवान् भनेर अहिलेसम्म ढुङ्गालाई मान्ने गरेकी छु । तिमी ढुङ्गा जस्तै छौँ, सानातिना चोटहरुले फुटाउनै नसक्ने । यदि तिमी त्यहि भगवान् जस्तो हुँदैन थियौँ भने आज तिमी रहने थिईनौँ । ढुङ्गा टुक्रियको बालुवा जस्तै सेतो खरानि बनेर तिम्रो अस्तित्व हरण हुने थियो ।

आमालाई धर्तिको अर्काे रुप मानिन्छ । आमा साच्चै दुरुस्तै यहि धर्ति जस्तै हुन्छन् । कठोर ! सन्तानले कुल्चदा, लातले हान्दा, होहल्ला गर्दा , छातिमै दिसा पिसाव गरिदिँदा पनि सहन सक्ने ।

आफुले त्यति गरेको हुर्काएका सन्तान ठुला भएपछि बुहारी र ज्वाईलाई सुम्पिन सक्ने तिमी कति कठोर ? कसरी सक्यौ तिमीले आफ्नो सन्तान काखबाट छुटाएर स्कुल लखेट्न? घर परिवार र आफ्नो समाज छुटाएर सहर उच्च शिक्षा हाँसिल गर्न ? अनि कसरी सक्यौ छोरालाई कमाउन जा भन्न अनि छोरीलाई अर्काको घर आफ्नो बनाउँन जा भन्न ? के म अझै पनि तिमीलाई कोमल छेऊ भनेर मानुँ ?

अँह म मान्दिन आमा कोमल हुन्छन् भनेर । मैले आमालाई कहिलै कोमल देखिन । आफ्नो पुरै जिवन त्यहि सन्ताको लागि बाँचेर बुढेसकालमा वृद्धाआश्रम जानु परेपनि हाँसी हाँसी जानेहरु कसरी कोमल भए?

आज मातातिर्थ औँशी । सबै आमालाई वास्तविक कोमल बन्ने शक्ति मिलोस भनि प्राथना गर्न चाहन्छु । यो समाजले आमाहरुको सहनशितलता रुपी सर्वाेशक्तिलाई कमजोरी ठानेर ‘कोमल मनको प्राणी’ को उपमा दिएर सधै शोषण गरिरह्यो । तर अब वास्तविक भन्दा धेरै परको, बनेको भन्दा पनि बनाईएको यो कोमल बाट वास्तविक कोमल बनुन् आमाहरु । आफ्ना हक र अधिकारको लागि लड्न सकुन ।

छोराछोरीको नाममा जन्मीएका कैयौँ कुपुत्र–कुपुत्रीको लागि हाँसी हाँसी घर छाडेर वृद्धाआश्रम जान तयार हुने आमाहरु कोमल बनुन । आजिवन लाएर कमाएको घर छाडेर हिड्न सक्ने त्यस्तो कठोर मन कोमल बनोस् । सम्र्पुर्ण आमाहरुमा नमन, मातातिर्थ औशिको शुभकामना ।

२०७८ वैशाख २८ गते प्रकाशित ।


वैदेशिक रोजगारीमा जाने श्रमिकलाई हवाई जहाज भित्र खानाको अनिवार्य व्यवस्था गर्न श्रममन्त्रीको आग्रह

वैदेशिक रोजगारीमा जाने श्रमिकलाई हवाई जहाज भित्र खानाको अनिवार्य व्यवस्था गर्न श्रममन्त्रीको आग्रह

वि.सं.२०८१ वैशाख ११ मंगलवार ०८:३४

काठमाडौं । श्रम, रोजगार तथा सामाजिक सुरक्षा मन्त्री डोल प्रसाद...

नेपालको व्यापार घाटा नौ महिनामा साढे १० खर्ब : कुन देशमा कती आयात ,निर्यात ?

नेपालको व्यापार घाटा नौ महिनामा साढे १० खर्ब : कुन देशमा कती आयात ,निर्यात ?

वि.सं.२०८१ वैशाख ९ आइतवार २१:५३

काठमाडौं । चालु आर्थिक वर्ष २०८०/८१ को तेस्रो त्रैमासिक अवधिसम्ममा...

लगानी सम्मेलनः ‘सोकेस’मा १२५ आयोजना, ११ सयभन्दा बढीलाई निम्ता

लगानी सम्मेलनः ‘सोकेस’मा १२५ आयोजना, ११ सयभन्दा बढीलाई निम्ता

वि.सं.२०८० चैत २८ बुधवार ०९:०५

काठमाडौँ । सरकारले आगामी वैशाख १६ र १७ गते (अप्रिल...

सरकारी ऋणको साँवा–ब्याज तिर्न साढे पाँच खर्ब चाहिने, बजेटमा स्रोतको सकस : निक्लेलात सोलुसन् ?

सरकारी ऋणको साँवा–ब्याज तिर्न साढे पाँच खर्ब चाहिने, बजेटमा स्रोतको सकस : निक्लेलात सोलुसन् ?

वि.सं.२०८० चैत २० मंगलवार २१:३०

काठमाडौँ । आगामी आर्थिक वर्ष २०८१/८२ का लागि सरकारले भुक्तानी...

बैंकको तथ्यांक : बैंकहरुमा निक्षेप बढेर ६२ खर्ब रुपैयाँ नाघ्यो

बैंकको तथ्यांक : बैंकहरुमा निक्षेप बढेर ६२ खर्ब रुपैयाँ नाघ्यो

वि.सं.२०८० चैत २० मंगलवार २१:१७

काठमाडौं । बैंकिङ प्रणाली तरलता लगातार बढिरहेको छ। नेपाल राष्ट्र...

विकास पुगेका गाउँमा पनि छैनन् युवा (कारण सहित)

विकास पुगेका गाउँमा पनि छैनन् युवा (कारण सहित)

वि.सं.२०८० चैत ११ आइतवार १९:३८

म्याग्दी । चिटिक्क परेका ढुङ्गे घर । फराकिला आँगन ।...