काठमाडौँ । बिकास बैंकहरुले पछिल्लो समय आक्रमण रुपमा कर्जा प्रवाह गर्न सफल भएका छन् । बैंकहरुले एक सातामै कर्जा लगानी ५ अर्ब ५१ करोड ८० लाख रुपैयाँले बढेको विकास बैंकहरुको छाता संगठन डेभलपमेन्ट बैंकर्स एसोसियसन ‘डीबीएन’ ले जनाएको छ।

डीबीएनका अनुसार १५ वटा विकास बैंकहरुको निक्षेप एक सातामा अर्थात भदौ २६ देखि असोज १ गतेसम्म २ अर्ब ४ करोड ८० लाख रुपैयाँले बढेको हो । त्यस्तै कर्जा लगानी ५ अर्ब ५१ करोड ८० लाखले बढेको छ।

गत साताको तुलनामा निक्षेप ०.५५ प्रतिशतले बढेर ४ खर्ब ५१ अर्ब ८१ करोड ९० लाख पुगेको हो भने कर्जा लगानी १.३९ प्रतिशतले बढेर ४ खर्ब २ अर्ब ४० करोड ३० लाख पुगेको छ। यो तथ्यांकमा कर्पोरेट, साहारा र साल्पाका व्यवसायिक तथ्यांक जोडिएको छैन।

त्यस्तै राष्ट्रिय स्तरको विकास बैंकहरुमा निक्षेप ०.५९ प्रतिशत अर्थात् २ अर्ब ४८ करोड १० लाखले बढेको छ भने कर्जा लगानी १.४६ प्रतिशत अर्थात ५ अर्ब ३९ करोड १० लाखले बढेको छ। निक्षेप ०.५९ प्रतिशतले बढेर ४ खर्ब १९ अर्ब ८४ करोड २० लाख पुगेको छ भने कर्जा लगानी १.४६ प्रतिशतले बढेर ३ खर्ब ७४ अर्ब १९ करोड ६० लाख पुगेको छ।

त्यस्तै क्षेत्रीय स्तरको विकास बैंकहरुमा निक्षेप यथावत रहेको छ भने कर्जा लगानी १२ करोड ६० लाख रुपैयाँले बढेको छ। कर्जा लगानी ०।४५ प्रतिशतले बढेर २८ अर्ब २० करोड ७४ लाख रहेको छ।

२०७८ असोज ६ गते प्रकाशित