काठमाडौँ। कोभिडबाट भर्खर चलायमान भएको अर्थतन्त्रमा पनि सरकारले पछिल्लो दुई महिनामा (साउन र भदौ) मा करिब पौने दुई खर्ब राजस्व संकलन गरेको छ । महालेखा नियन्त्रककको कार्यालयका अनुसार समिक्षा अवधिमा सरकारको कुल १ खर्ब ६८ करोड ५७ करोड ७६ लाख रुपैयाँ राजस्व संकलन गरेको हो । जुन वार्षिक लक्ष्यको १४.६४ प्रतिशत हो ।

महालेखाको अनुसार यो अवधिमा कर राजस्व मात्रै १ खर्ब ४८ अर्ब ५६ करोड रुपैयाँ संकलन भएको छ । यो करतर्फको वार्षिक लक्ष्यको १४.३१ प्रतिशत हो । चालू आर्थिक वर्षमा सरकारले कर राजस्व संकलनको लक्ष्य १० खर्ब ३८ अर्ब १९ करोड ३८ लाख रुपैयाँ रहेको छ ।

यसैगरी सोही अवधिमा गैरकर राजस्व संकलनमा १७.६५ प्रतिशतको प्रगति भएको छ । चालू आर्थिक वर्षमा गैरकर राजस्व संकलनको लक्ष्य १ खर्ब १३ अर्ब ४० करोड ६६ लाख रुपैयाँ रहेकोमा आवको पहिलो २ महिनामा २० अर्ब १ करोड ७६ लाख रुपैयाँ असुली भएको महालेखाको तथ्यांक छ ।
२०७८ असोज ६ गते प्रकाशित

कर्पाेरेट बजार

प्रकाशित समय : १४:३८ बजे