सस्तियो सुनचाँदीको मूल्य, कतिमा हुँदैछ छ किनबेच ?
वि.सं.२०७८ भदौ २७ आइतवार
काठमाडौँ । नेपाली बजारमा आज आइतबार सुनको मूल्यमा गिरावट आएको छ । यो दिन प्रतितोला सुनको मूल्यमा चार सयको गिरावट आएको हो । नेपाल सुनचाँदी व्यवसायी महासंघका अनुसार आज छापावाला सुन प्रतितोला ९० हजार ३०० रुपैयाँ र तेजाबी सुन ८९ हजार ८०० रुपैयाँमा कारोबार भएको छ ।
गत शुक्रबार सुनको भाउ तोलामा १०० रुपैयाँले बढेर कायम भएको थियो । उक्त दिन प्रतितोला छापावाला सुन ९० हजार ७०० रुपैयाँ र तेजाबी सुन ९० हजार २०० रुपैयाँ कायम भएको थियो।
आज चाँदीको भाउ पनि तोलामा २० रुपैयाँ घटेर १ हजार १९५ रुपैयाँ कायम भएको छ। गत शुक्रबार भने चाँदीको भाउ तोलामा ५ रुपैयाँ बढेर १ हजार २१५ रुपैयाँमा कारोबार भएको थियो।
२०७८ भदौ २७ गते प्रकाशित
प्रकाशित समय : ११:२४ बजे
