काठमाडौँ । नेपाल विद्युत प्राधिकरणका निवर्तमान कार्यकारी निर्देशक हितेन्द्रदेव शाक्यले वर्तमान कार्यकारी निर्देशक कुलमान घिसिङको नियुत्ती बदर गर्न सर्वोच्च अदालतमा दायर गरेको रिटमा आज सुनुवाई हुने भएको छ । सोही रिटको पेशी न्यायधीश कुमार रेग्मीको एकल इजलाशमा तोकिएको छ ।

शाक्यले आफुले राजिनामा नदिएकै अवस्थामा कुलमानको नियुक्त कानून विपरित भएको र सरकारले आफुलाई अन्यायपूर्ण तरिकाले हटाएको भन्दै गत सोमबार सर्वोच्च अदालतमा रिट दायर गरेका थिए ।

उनले दर्ता गरेको रिटमा कुलमानको नियुक्ति बदर गर्न र सो पदमा आफु ४ वर्षको लागि नियुक्त भएकोले आफुलाई निरन्तरता दिनको लागि अनतरिम आदेश माग गरेका छन्।

आफूलाई हटाएको आधिकारिक पत्र नपाएको र सरकारले आफूलाई हटाएर कुलमानलाई ल्याउँदा संविधान सम्मत अधिकार हनन भएको उनले उल्लेख गरेका छन् ।

शाक्यलाई उनकै आग्रहमा सम्मानजनक रुपमा जल तथा ऊर्जा आयोगको सचिवालयमा विशिष्ट श्रेणीमा नियुक्ति गरि खाइपाइ आएको सेवा सुविधामा कटौती नहुने गरी उनले गर्नुपर्ने कार्यदेशसमेत उल्लेख गरी विशेष जिम्मेवारी दिएर सरुवा गरिएको भनिएपनि उनी सर्वोच्च गएका हुन् ।

२०७८ भदौ २ गते प्रकाशित