यो हप्तापनि हेर्दा हेर्दैमा टर्यो मौन्द्रिक निति सार्वजनीकको काम, अर्काे हप्तालाई सारियो
वि.सं.२०७८ साउन २१ बिहीवार
काठमाडौँ । नेपाल राष्ट्र बैंकले मौन्द्रिक नीति सार्वजनीकको काम पुन एक हप्ता पछाडी धकेलेको छ । साउन पहिलो सातामा नै आउनु पर्ने मौद्रिक नीति भोलि सार्वजनिक गर्ने भनिएको थियो यद्यपी पुनः अर्काे हप्तालामा सार्वजनीक गरिने राष्ट्र बैंक स्रोतले जनाएको छ ।
राष्ट्र बैंकका प्रवक्ता देवकुमार ढकालले पनि यो साता मौद्रिक नीति नआउने बताएका बताए । उनले राष्ट्र बैंकले काम गरिरहेको बताउँदै आगामी सात मात्रै मौद्रिक नीति आउने जानकारी दिए ।
सरकार परिर्वतनका चपेकोमा मौद्रिक नीति परेको देखिन्छ । ओली सरकारले ल्याएको चालु आर्थिक वर्षको अध्यादेशमार्फतको बजेट परिमार्जन गर्ने वा आफू अनकूल हुने गरी पुनः बजेट ल्याउने देउवा सरकार अनिर्णित भएको छ ।
जनार्दन शर्मा अर्थमन्त्री बनेपछि मन्त्रालयका छलफल चलिरहेको र त्यो छलफल सकिएपछि मौद्रिक नीति आउने बताएका थिए ।
गभर्नर महाप्रसाद अधिकारीले मौद्रिक नीति लगभग तयार रहेको भन्दै नयाँ सरकारको ग्रिन सिग्नल’ पछि त्यसलाई अन्तिम रूप दिएर सार्वजनिक गर्ने हिजोको अर्थ समिति बैठकमा बताएका थिए ।
२०७८ साउन २१ गते प्रकाशित
प्रकाशित समय : ०८:४७ बजे
