काठमाडौँ । नयाँ आर्थिक वर्षको पहिलो कारोबार दिन सेयरबजारमा उछाल आएको बजारमा २३ कम्पनीे तथा ऋणपत्रको सेयर मूल्यमा गिरावट आएको छ ।

यो दिन एनआइबीएल समृद्धि फण्ड–२, १२ प्रतिशत गुडवेल फाइनान्स लिमिटेड ऋणपत्र, १९.२५ प्रतिशत ग्लोबल आइएमई बैंक ऋणपत्र २०८०–८१, कुमारी इक्वीडिटि फण्ड, १०.३५ कृषि विकास बैंक ऋणपत्र, ११ प्रतिशत एनआइसी एसिया ऋणपत्र ०८२–८३, ८.५ प्रतिशत एसबीएल ऋणपत्र २०८४ लगायतका कम्प्नी तथा सेयर मूल्यमा गिरावट आएको हो ।

यो दिन नेप्से परिसूचक ९७.२१ अंकले बढेर २९८०.६१ को बिन्दुमा पुगेको छ ।

आज कारोबारमा आएका २२१ कम्पनीको २ करोड ८८ लाख ६३ हजार ९३ कित्ता सेयर किनबेच हुँदा ११ अर्ब ६३ करोड ८१ लाख २६ हजार बराबरको कारोबार भएको हो ।

२०७८ साउन ३ गते प्रकाशित