काठमाडौँ । नेपाल धितोपत्र बोर्डले दुई कम्पनीलाई आईपीओ निष्काशनको लागि अनुमति दिएको छ । बोर्डले सानिमा लाईफ इन्स्योरेन्स र मानुषी लघुवित्त वित्तीय संस्था लिमिटेडलाई आईपीओ निष्काशनको अनुमति दिने निर्णय गरेको हो ।

सानिमा लाइफः इन्स्योरेन्सले गत जेठ ९ गते आईपीओ निष्कासनको अनुमति माग्दै बोर्डमा आवेदन दिएको थियो । इन्स्योरेन्सले ६० करोड रुपैयाँ बराबरको र्आइपीओ निष्काशनको लागि आवेदन दिएको थियो । बार्डले माग अनुसार नै अनुमति दिएको छ ।

अनुमति पाएसँगै कम्पनीले १०० रुपैयाँ अंकित दरले कुल ६० लाख कित्ता आईपीओ निष्कासन गर्नेछ। कम्पनीको आईपीओ निष्कासन तथा बिक्री प्रबन्धकमा प्रभु क्यापिटल लिमिटेड रहेको छ।

मानुषी लघुवित्तः कम्पनीले गत वैशाख १३ गते आईपीओ निष्कासनको अनुमति माग्दै आवेदन दिएको थियो। धितोपत्र बोर्डको अनुमति पाएपछि अब यो लघुवित्तले १०० रुपैयाँ अंकित दरका कुल ३ लाख ९३ हजार ७५० कित्ता अर्थात ३ करोड ९३ लाख ७५ हजार रुपैयाँबराबरको आईपीओ निष्कासन गर्नेछ।

२०७८ साउन १ गते प्रकाशित