यस वर्ष चालुतर्फ विनियोजित बजेटको २०.१४ प्रतिशत अर्थात ३ खर्ब ४३ अर्ब खर्च भएको छ, भने विकास बजेट (पुँजीगत) विनियोजितको रकमको ४ दशमलब २२ प्रतिशत अर्थात १७ अर्ब १९ करोड रुपैयाँ मात्र खर्च भएको छ । त्यस्तै वित्तीय व्यवस्थापनमा २३.६१ प्रतिशत अर्थात ८८ अर्ब ६० करोड रुपैयाँ खर्च भएको छ । त्यस्तै,राजस्व संकलमा पनि यसवर्ष सरकार कमजोर देखिएको छ ।

सरकारले कुल राजस्व लक्ष्यको १५.१६ प्रतिशत मात्रै उठाउन सकेको छ । जबकि,अघिल्लो वर्षको यसै अवधिमा १६.६७ प्रतिशत राजस्व उठाइएको थियो । यसवर्षको भदौमा भएको जेनजी आन्दोलनको कारण बजेट कार्यान्वयन कमजोर भएको सरकारको दाबी छ । आन्दोलन पछिको राजनीतिक अस्थिरता र अन्यौलताको कारण राजस्व तथा खर्च कम भएको सरकारी अधिकारीहरूको दाबी छ ।