काठमाडौँ । आगामी आर्थिक वर्ष २०८०/८१ का लागि अन्तरसरकारी वित्तीय हस्तान्तरण अन्तर्गत संघीय सरकारले ७ वटा प्रदेशका लागि कूल १ खर्ब ५ अर्ब ६ करोड ६८ लाख रुपैयाँ छुट्याएको छ ।

यो बजेट समानीकरण अनुदान, सशर्त अनुदान, विशेष अनुदान र समपूरक अनुदान गरी चार शीर्षकको अनुदानमा उपलब्ध गराएको हो ।

अर्थ मन्त्रालयका अनुसार आगामी आर्थिक वर्षका लागि प्रदेशतर्फ जाने अनुदानहरूको बाँडफाँड क्रमशः समानीकरण अनुदानतर्फ १३ अर्ब ८५ करोड २८ लाख रुपैयाँ, सशर्त अनुदानतर्फ ३५ अर्ब ७१ करोड ९८ लाख रुपैयाँ, विशेष अनुदानतर्फ ४ अर्ब ४५ करोड ९७ लाख रुपैयाँ र समपूरक अनुदानतर्फ ६ अर्ब २२ करोड १६ लाख रुपैयाँ छुट्याइएको छ ।

हेर्नुहोस्, कुन प्रदेशले कति पाए बजेट अनुदान ?

– कोशी प्रदेशले १६ अर्ब ११ करोड ७० लाख रुपैयाँ पाएको छ।

–मधेस प्रदेशले १३ अर्ब ४५ करोड ३५ लाख रुपैयाँ पाएको छ।

–बागमती प्रदेश्ले, १५ अर्ब ८१ करोड २३ लाख रुपैयाँ पाएको छ।

–गण्डकी प्रदेशले, १३ अर्ब ६० करोड ४० लाख रुपैयाँ पाएको छ।

–लुम्बिनी प्रदेश्ले १५ अर्ब ३८ करोड ४२ लाख रुपैयाँ पाएको छ।

–कर्णाली प्रदेश्ले १६ अर्ब २७ करोड ३९ लाख रुपैयाँ पाएको छ।

–सुदूरपश्चिम प्रदेशले १४ अर्ब ४२ करोड १९ लाख रुपैयाँ पाएको छ।