काठमाडौं । नेपाल क्लियरिङ हाउस लिमिटेडले कम्पनीको वार्षिक साधारणसभा जेठ ५ गतेलाई आह्वान गरेको छ । कम्पनीले आफ्नो ९औं वार्षिक साधारण सभा आव्हान गरेको हो । सभा कम्पनीले एनसीएचएल अपरेशन्स अफिस, कमलादी कााठमाडौंमा दिउँसो १ बजे सभा गर्ने जनाएको छ ।

कोरोना महामारीको जोखिमलाई मध्यनजर गर्दै सभा भर्चुअल माध्यमबाट सम्पन्न हुने छ । कम्पनीको बैशाख १२ गते बसेको सञ्चालक समितिको बैठकले सभा गर्ने निर्णय गरेको हो ।

सभाले शेयरधनीहरुलाई सञ्चालक समितिले प्रस्ताव गरे बमोजिम ३८ प्रतिशत बोनश शेयर र कर प्रयोजनका लागि २ प्रतिशत नगद लाभांश वितरण गर्ने प्रस्ताव पारित गर्नेछ ।

सभाको अन्य प्रस्तावमा समूह ‘ख’ को शेयरधनीको तर्फबाट सञ्चालक समितिका प्रतिनिधित्व गर्ने तीन जना सञ्चालकको निर्वाचन गर्ने, कम्पनीको प्रवन्धपत्र र नियमावलीमा संशोधन गर्ने एजेण्डा रहेको छ ।