नेपाल लेखामान र लेखापरीक्षणमान बोर्डको अध्यक्षमा ढुङ्गेल र निरौला
वि.सं.२०८१ मंसिर १३ बिहीवार
काठमाडौं । नेपाल लेखामान बोर्डको अध्यक्षमा सुनिलकुमार ढुङ्गेल र नेपाल लेखापरीक्षणमान बोर्डको अध्यक्षमा जगन्नाथ उपाध्याय निरौला नियुक्त भएका छन् ।
मन्त्रिपरिषद्को बैठकले ढुङ्गेल र निरौलालाई नियुक्त गरेको हो ।
अर्थ मन्त्रालयमा आज आयोजित कार्यक्रममा नवनियुक्त अध्यक्षहरुलाई उपप्रधानमन्त्री एवं अर्थमन्त्री विष्णुप्रसाद पौडेलले बधाइ तथा सफलताको शुभकामना दिएका छन् ।
सो अवसरमा नवनियुक्त अध्यक्षहरुले प्राप्त जिम्मेवारीलाई कुशलतापूर्वक पूरा गर्ने बताएको छ।
प्रकाशित समय : १६:२९ बजे
