देशव्यापी लकडाउन हुँदैन, हटस्पटमा लकडाउन हुनसक्छः परराष्ट्रमन्त्री ज्ञवाली

वि.सं.२०७८ वैशाख १२ आइतवार

काठमाडौं । परराष्ट्रमन्त्री प्रदीप ज्ञवालीले सरकार तत्काल देशव्यापी रुपमा लकडाउन गर्ने मनशायमा नभएको बताएका छन् । उनले कोरोना हटस्पट भएका क्षेत्रहरुमा आंशिक लकडाउन हुनसक्ने भनेपनि देशव्यापी रुपमा लकडाउन नहुने बताएका हुन ।
‘अर्थतन्त्र भर्खरै तंग्रिन थालेको छ, यस्तो अवस्थामा सरकारले अर्थतन्त्रमा लकडाउनका कारण प्रतिकुल असर परोस भन्ने चाहन्न्, त्यसैले सरकारले तत्कालै लकडाउन गर्दैन,’ उनले भने । उनले थपे –‘अहिले नागरिकहरुले नै सामाजिक दूरी कायम गरेर र स्वास्थ्य सुरक्षाका मापदण्ड अपनाउने नै हो, तत्काल लकडाउन सरकारले गर्दैन।’ उनले मानिसहरुको जनजीवनमा प्रतिकुल असर नहोस भन्ने पक्षमा सरकार रहेको बताए ।

प्रकाशित समय : ०८:०४ बजे