काठमाडौँ । आईएमई लाइफ इन्स्योरेन्स कम्पनीका बीमित, अभिकर्ता तथा कर्मचारीले अब नेपालगञ्जस्थित कान्ति आरोग्य अस्पतालमा उपचार सेवा लिँदा ५० प्रतिशतसम्म छुट पाउने भएका छन्। बीमितका लागि डाक्टर परामर्शमा ५० प्रतिशत छुट उपलब्ध हुनेछ भने ल्याव परीक्षण तथा एक्स–रे सेवामा ३० प्रतिशत, बेड चार्जमा २० प्रतिशत तथा अपरेसन, भिडियो एक्स–रे र औषधिमा १० प्रतिशत छुट लागू हुनेछ।

छुट सुविधा लिनका लागि बीमितहरूले आईएमई लाइफ मोबाइल एपमा रहेको ‘प्रिभिलेज कार्ड’ देखाउनुपर्नेछ। अभिकर्ता तथा कर्मचारीहरूले भने कम्पनीले जारी गरेको आधिकारिक परिचयपत्र प्रस्तुत गरेपछि छुट सुविधाको लाभ उठाउन सक्नेछन्।

कान्ति आरोग्य अस्पताल नेपालगञ्जको स्थापित तथा ख्यातिप्राप्त स्वास्थ्य संस्था हो, जसले बिरामी–केन्द्रित सेवालाई प्राथमिकतामा राख्दै फरक–फरक विशेषज्ञ सेवा प्रदान गर्दै आएको छ। अत्याधुनिक उपकरण, अनुभवी चिकित्सकहरूको टोली र आधुनिक उपचार प्रविधिसहित अस्पतालले प्रदेशस्तरमै विश्वसनीय स्वास्थ्य सेवा उपलब्ध गराउँदै आएको छ।

कर्पाेरेट बजार

प्रकाशित समय : ११:१७ बजे