काठमाडौं । प्रभु बैंकको २३औं वार्षिक साधारण सभा बैंकको सम्पन्न भएको छ ।

सभा संचालक समितिका अध्यक्ष श्री लिला प्रकाश सिटौलाको अध्यक्षतामा सम्पन्न भएको थियो।

सभाले संस्थापक समूहका अम्बिका शर्मा लामिछाने, अंगिरमान सिंह, बृष बहादुर बस्नेत र सर्वसाधारण समूहका सुरज कुमार श्रेष्ठ, श्री राजु पौडेल र किशोरजङ्ग कार्की समेत ६ जना सञ्चालक आगामी ४ वर्षका लागि निर्वाचित गरेको छ ।

सभाले बैंक सञ्चालक समितिको प्रतिवेदन, गत आव ०८०/०८१ को वासलात, नाफा नोक्सान हिसाब र नगद प्रवाह विवरण लगायतका अनुसूचिहरू पारित गरेको छ । साथै, प्रभु क्यापिटल लिमिटेड र प्रभु स्टक मार्केट लिमिटेडको २०८०/०८१ को एकीकृत वित्तीय विवरण पनि पारित भएको छ।