बैंकहरुले सार्वजनिक गरे असार महिनाका लागि ब्याजदर
वि.सं.२०८० जेठ ३२ बिहीवार
काठमाडौं । वाणिज्य बैंकहरुले आगामी असार महिनाका लागि ब्याजदर सार्वजनिक गरेका छन् । बैंकहरुले गत बैशाख महिनादेखि कै ब्याजदरलाई यथावत राखेर सार्वजनिक गरेका छन् ।
बैंकहरुले आगामी असार महिनामा बैंकहरुको निक्षेपको ब्याजदर यथावत राखेका हुन् । गत मंगलबार बसेको नेपाल बैंकर्सको बैठकले जेठ महिनाकै ब्याजदरलाई निरन्तरता दिने निर्णय गरेको हो ।बैंशाख महिनादेखि कै ब्याजदर यथावत छ ।
असार महिनामा वाणिज्य बैंकहरुले व्यक्तिगत मुद्धति निक्षेपमा ९.९९ प्रतिशत ब्याजदर तोकेका छन् । यस्तै, संस्थागत मद्दति निक्षेपमा ७.९९९ प्रतिशत ब्याजदर तोकिएको छ ।
जेठ महिनामा पनि बचत खातामा भने ५.४ प्रतिशतदेखि ७.४ प्रतिशतसम्म ब्याजदर तोकेको थियो । बैंकहरुले अब आगामी असारमा पनि सोही ब्याजदर कायम हुने गरि सार्वजनिक गरेका हुन् ।
प्रकाशित ब्याजदर अनुसार कर्जाको ब्याजदर भने केही घटेको छ । बैंकहरुको बेस रेटको आधारमा कर्जाको ब्याजदर केही घटेको हो ।
प्रकाशित समय : १३:२१ बजे
