फ्रि भिसा फ्रि टिकट कार्यान्वयन भएको छैन : पुर्व मन्त्री श्रेष्ठ
वि.सं.२०८० जेठ ३२ बिहीवार
काठमाडौं । पुर्व श्रम, रोजगार तथा सामाजिक विकास मन्त्री कृष्णकुमार श्रेष्ठले सरकारले वैदेशिक रोजगारीमा जान चाहानेका लागि व्यवस्था गरिएका व्यवस्थाहरु नै कार्यान्वयन गर्न नसकेको टिप्पणी गरेका छन् ।
बुधबार बसेको उद्योग बाणिज्य र श्रम तथा उपभोक्ता हित समितिको बैठकमा उनले फ्रि भिस्सा फ्रि टिकटको कुरा साँचै लागु गर्न किन सकिएको छैन भन्नेबारे गम्भिर छलफल आवश्यक भएको बताए ।
‘उजुरी आएपछि सम्बन्धित उजुरीकर्तालाई बोलाएर उहाँकै मुखबाट हामीले सुन्न पायौं भने के रहेछ समस्या भन्ने थाहा हुन्छ । जस्तै फ्रि भिस्सा फ्रि टिकटको कुरा साँचै लागु गर्न किन सकिएको छैन ? भन्ने कुरा व्यवसायीले भन्नु पर्यो नी । यसलाई लागु गराउन किन सकिएको छैन भन्ने कुरा श्रम मन्त्रि र श्रम सचिवले आएर भन्नु पर्यो अनि मात्र हामीलाई बल्ल थाहा हुन्छ ।’ उनले भने ।
प्रकाशित समय : १३:४५ बजे
