‘अफगानिस्तानका नागरिकलाई सहयोग गर्नु नैतिक दायित्व हो’
वि.सं.२०७८ भदौ ९ बुधवार
काठमाडौँ । जी ७ का नेताहरुले अफगानिस्तानका नागरिकलाई अन्य सबैले सहयोग गर्नुपर्ने बताएका छन् । युरोपेली आयोगका अध्यक्ष अर्सुला भोन डेर लियानले यतिबेला अपगानिस्तानका नागरिकलाई सहयोग गर्नु आफूहरुको नैतिक कर्तव्य भएको बताएकी हुन् ।
उनले भनेकी छिन् ‘यतिबेला अफगानिस्तान निकै अप्ठेरो अवस्थामा छ, त्यहाँका नागरिक समस्यामा परिरहेका छन् त्यसैले यस्तो बेलामा उनीहरुलाई सहयोग गर्नु हाम्रो नैतिक दायित्व हो ।’
उनले सहयोगका लागी युरोपियन युनियनआबद्ध सबै राष्ट्र एकताबद्ध भएको पनि जानकारी गराइन । उनीहरुले यस्तो अवस्थाको अफगानिस्तानलाई हामीले सहयोग गर्नुपर्छ धारणा रहेको उनले बताएकी छिन् ।
उनले भनिन्, यो विश्वकै चासोको तथा दायित्वको कुरा हो र हामी युरोपेली युनियनमा आबद्ध देश पनि यसमा प्रतिबद्ध छौँ ।
उनका अनुसार युरोपियन युनियनले अफगानिस्तानका लागि मानवीय सहायतालगायतको सहयोगको प्रस्ताव पनि गर्नेछ । यसका लागि युनियनले बजेट छुट्याउने पनि उनले जानकारी दिईन ।
हाल अफगानिस्तानलाई त्यहाँका सशस्त्र विद्रोही समूह तालिबानले कब्जामा लिएका छन् । जसका कारण त्यहाँबाट पश्चिमा राष्ट्रका कर्मचारी, सेना तथा सहायताकर्मी सङ्घसंस्था पनि बाहिरिएका छन् ।
२०७८ भदौँ ९ गते प्रकाशित
प्रकाशित समय : १४:५० बजे
