एमाले उपाध्यक्षबाट राजीनामा दिँदै वामदेव गौतम
वि.सं.२०७८ भदौ ९ बुधवार
काठमाडौँ । एमाले नेता वामदेव गौतमले एमाले उपाध्यक्षबाट राजीनामा दिने तयारीमा रहेका छन् ।
गौतम उपाध्यक्षबाट नवगठित नेकपा (एकीकृत समाजवादी) मा आउन लागेको उक्त पार्टीका नेताहरुले दाबी गरेका हुन् ।
गौतमले एमाले उपाध्यक्षबाट राजीनामा दिएर नेकपा एकीकृत समाजवादीमा आउने विषयमा छलफल भइसकेको केन्द्रीय सदस्य बलराम बास्कोटाले दाबी गरे।
आयोगले सनाखतका लागि बुधबार विहान ११ बजेदेखि २ बजेसम्मको समय तोकेको छ। दल दर्ताका लागि निर्वाचन आयोगमा सनाखत गरेपछि बास्कोटाले उक्त प्रतिक्रिया दिएका हुन् ।
यसअघि गौतम पनि समाजवादीमा रहेको भन्दै पोष्टर बनाइएपछि गौतमको सचिवालयले त्यसको खण्डन गरेको थियो ।
२०७८ भदौँ ९ गते प्रकाशित
प्रकाशित समय : १४:०२ बजे
