ङादी ग्रुप पावर लगानीकर्तालाई दुवै हातमा लड्डु, २० प्रतिशत बोनस सेयर प्रस्ताव, २०० प्रतिशत हकप्रद
वि.सं.२०७८ साउन ३१ आइतवार
काठमाडौँ । ङादी ग्रुप पावर कम्पनी लिमिटेडले २० प्रतिशत लाभांश घोषणा गरेको छ । यसका साथसाथै कम्पनीले २०० प्रतिशत हकप्रद सेयर पनि निष्कासन गर्ने प्रस्ताव गरेको छ ।
कम्पनीको आज (साउन ३१ गते, आइतबार) बसेको सञ्चालक समितिको बैठकले कम्पनीको २०७८ असार मसान्तसम्मको सञ्चित मुनाफाबाट हाल कायम चुक्ता पुँजीको २० प्रतिशतले हुन आउने ११ करोड ७८ लाख २२ हजार बराबरको बोनस सेयर र कर प्रयोजनको लागि १.०५ प्रतिशतले हुन आउने ६२ लाख एक हजार एक सय ६१ रुपैयाँ ५ पैसा नगद लाभांश गरि कुल २१.०५ प्रतिशत लाभांश वितरण गर्ने प्रस्ताव गरेको हो ।
त्यसैगरी कम्पनीले हकप्रद सेयर पनि प्रस्ताव गरेको छ । कम्पनीले बोनस वितरण गरेपश्चात कायम हुने पुँजीको १ः २ को अनुपातमा हुन आउने हकप्रद सेयर निष्कासन गर्ने प्रस्ताव गरेको हो ।
२०७८ साउन ३१ गते प्रकाशित
प्रकाशित समय : ११:४३ बजे
