काठमाडौँ । सानिमा लाइफ इन्स्योरेन्स लिमिटेडको आईपीओ भोलि (साउन ३० गते शनिबार) बाँडफाँड हुने भएको छ।

इन्स्योरेन्सको आईपीओ काठमाडौँको दरबारमार्गस्थित सानिमा लाइफ इन्स्योरेन्सको कार्यालयमा भोली बिहान ११ बजे हुने भएको हो ।
धितोपत्र बिक्री प्रबन्धक प्रभु क्यापिटलका अनुसार गत बुधबार साँझसम्म प्रिअलटमेन्टको काम सकेकोले भोली नै बाँडफाँड गर्ने तयारी भएको हो ।

कम्पनीले गत साउन २० गतेदेखि साउन २४ गतेसम्म १०० अंकित दरका कुल ६० लाख कित्ता आईपीओ निष्कासन गरेको थियो। जसमा ३ लाख कित्ता सेयर कर्मचारीका लागि र ३ लाख कित्ता सामूहिक लगानी कोषका लागि र बाँकी रहेको ५४ लाख कित्ता सेयरमा सर्वसाधारणले आवेदन दिएका छन्।
साउन २४ गते साँझसम्म २४ लाख १९ हजार १२७ आवेदकबाट कुल ३ करोड ६९ लाख ४३ हजार ४४० कित्ता खरिदका लागि आवेदन परेको छ।

२०७८ साउन २९ गते प्रकाशित