काठमाडौँ । अर्थसचिवका रूपमा करिब २ वर्ष जिम्मेवारी समालेका शिशिरकुमार ढुंगाना अर्थमन्त्रालयबाट आज बिदा भएका छन् । ढुंगाना प्रधानमन्त्री तथा मन्त्रीपरिषद्को कार्यालयमा सरुवा भएसँगै उनी मन्त्रालयबाट विदाई भएका हुन् । महालेखा नियन्त्रक मधुकुमार मरासिनीलाई मन्त्रालयको सचिवको जिम्मेवारी तोकिएपछि छ ।

आफ्नो करिअरका अधिकांश समय अर्थमन्त्रालय विताएका ढुंगाना भन्सार विभागको महानिर्देशक हुँदै राजस्व सचिवको रुपमा समेत काम गरिसकेका छन् । पूर्वअर्थमन्त्री डा. युवराज खतिवडाको समयमा राजस्व सचिव रहेका उनी २ वर्ष अवधि पूरा भएपछि प्रधानमन्त्री तथा मन्त्रिपरिषदको कार्यालयमा तानिएका थिए ।
खतिवडाकै पालाका अर्थसचिव रहेका डा. राजन खनाल अवकाश भएपछि ढुंगाना पुनः अर्थसचिव भएर अर्थमन्त्रालयमा आएका थिए ।

डा.युवराज खतिवडा र विष्णुप्रसाद पौडेलको कार्यकालमा उनले अर्थसचिवको रूपमा २ वटा र राजस्व सचिवको रूपमा १ बजेट निर्माणमा नेतृत्वदायी भूमिका खेलेका थिए ।

२०७८ साउन १८ गते प्रकाशित