काठमाडौँ । चालु आर्थिक वर्षको जेठ मसान्तसम्ममा ३ बाणिज्य बैंकहरुले बैंक तथा वित्तिय क्षेत्रको नियामक निकाय नेपाल राष्ट्र बैंकले तोकेको भन्दा बढी देखिएको छ ।

जेठ मसान्तसम्म हेर्दा नबिल बैंक, नेपाल इन्भेष्टमेन्ट बैंक र सिद्धार्थ बैंकले राष्ट्र बैंकले तोकोको भन्दा बढि कल निक्षेप लिएका हुन् । केन्द्रीय बैंकको नियम अनुसार वाणिज्य बैकहरुको कल निक्षेप कुल निक्षेपको १० प्रतिशत मात्रै लिन पाउँछन् ।

तर, चालु आर्थिक वर्षको जेठसम्मको तथ्याङक अनुसार नबिल बैंकले कुल निक्षेपमा सबैभन्दा धेरै १२.६९ प्रतिशत कल निक्षेप संकलन गरेको छ । कुल निक्षेप २ खर्ब २१ अर्ब २१ करोड रुपैयाँ रहेको छ । यो अवधिमा बैंकको कल निक्षेप मात्र २८ अर्ब ६ करोड रुपैयाँ रहेको छ ।

त्यसैगरी नेपाल इन्भेष्टमेन्ट बैंकको कल निक्षेपमा कल निक्षेपको हिस्सा १२.३६ प्रतिशत रहेको छ । बैंकको १ खर्ब ७४ अर्ब ४७ करोड रुपैयाँ कुल निक्षेप रहेको छ । सो मध्ये बैंकको कल निक्षेपमा २१ अर्ब ५५ करोड रुपैयाँ रहेको छ ।

त्यस्तै सिद्धार्थ बैंकको कुल निक्षेपमा कल निक्षेपको अंश १०.२० प्रतिशत रहेको छ । बैंकको कुल निक्षेप १ खर्ब ७२ अर्ब ३४ करोड रुपैयाँ रहेको छ । सो निक्षेप मध्ये १७ अर्ब ५८ करोड रुपैयाँ कल निक्षेपमा हरेको हो ।कल निक्षेपको सीमा नाघेको अवस्थामा कस्तो कारबाही गर्ने भन्ने सन्दर्भमा भने केन्द्रीय बैंकले अहिलेसम्म पनि स्पष्ट व्यवस्था गर्न सकेको छैन ।

२०७८ असार २४ गते प्रकाशित