काठमाडाँ । जीवन विकास लघुवित्त वित्तीय संस्था लिमिटेडको आईपीओमा आजसम्म १७ लाख भन्दा बढीले आवेदन दिएका छन् ।
कम्पनीको आइपीओमा सोमबार बिहान १०ः३० बजेसम्म १७ लाख २ हजार २७९ जनाले २ करोड ५७ लाख ८६ हजार ११० कित्ता शेयरका लागी २ अर्ब ५७ करोड ८६ लाख ११ हजार रुपैयाँ बराबरको आवेदन परेको हो । यो माग गरिएको भन्दा १५ गुणा बढी आवेदन परेको हो ।

संस्थाले शुक्रबारदेखि प्रतिकित्ता १०० रुपैयाँ अंकित दरका कूल १९ करोड ७७ लाख ३० हजार रुपैयाँ बराबरको १९ लाख ७७ हजार ३ सय कित्ता आईपीओ निष्कासन तथा बिक्री खुल्ला गरेको हो । जसमध्ये कुल पुँजीको ०.५ प्रतिशतले हुन आउने ३० हजार ४२० कित्ता संस्थाका कर्मचारीहरुलाई र सर्वसाधारणका लागि जारी गर्न लागेको पुँजीको ५ प्रतिशतले हुन आउने ९८ हजार ८६५ कित्ता सामुहिक लगानी कोषका लागि छ्ट्याइएको छ भने बाँकी १८ लाख ४८ हजार १५ कित्ता सर्वसाधारणका लागि छुट्याइएको छ ।

उक्त आईपीओमा लगानीकर्ताहरुले न्यूनतम १० कित्ता र अधिकतममा १ हजार कित्ताका लागि छिटोमा असार १५ गते र ढिलोमा असार २५ गतेसम्म आवेदन दिन सक्नेछन् । आईपीओ निष्कासन तथा बिक्री प्रबन्धकमा एनएमबि क्यापिटल लिमिटेड रहेको छ ।

२०७८ असार १४ गते प्रकाशित