काठमाडौं । नेपाल उद्योग वाणिज्य महासंघ (एफएनसीसीआई) को ६०औँ वार्षिक साधारण सभा तथा निर्वाचनको सरगर्मी बढेको छ। वैशाख २२ गते हुने निर्वाचनका लागि विभिन्न प्यानल र समूहले आ-आफ्नो तयारी तीव्र पारेका छन्।

यसैक्रममा एसोसिएट उपाध्यक्ष पदमा प्रबल जंग पाण्डेको नेतृत्वमा कर्मठ र नेपालमै सम्भावना देखेका संघर्षशील उद्यमीहरूको टिम चुनावी मैदानमा उत्रिएको छ। “नयाँ पुस्ता, नयाँ ऊर्जा, सशक्त निजी क्षेत्र, सशक्त नेपाल” भन्ने मूल नाराका साथ यो समूहले देशको आर्थिक विकासमा निजी क्षेत्रको भूमिकालाई अझ प्रभावकारी बनाउने प्रतिबद्धता व्यक्त गरेको छ।

एसोसिएट सदस्यतर्फका मुख्य उम्मेदवारहरू

पाण्डेको समूहबाट एसोसिएट सदस्य पदका लागि विभिन्न क्षेत्रमा स्थापित व्यवसायीहरूले उम्मेदवारी दिएका छन्। उम्मेदवारहरूको नामावली यस प्रकार छ:

• अभिज्ञा मल्ल (बुकिङ ह्वाइटहाउस प्रा. लि.)

• अम्बिका प्रसाद पौडेल (स्काई टच इन्भेष्टमेन्ट)

• ईश्वर बहादुर जिसी (एच.डी. इन्डस्ट्रिज)

• उज्ज्वल कुमार श्रेष्ठ (पञ्चकन्या ग्रुप)

• कृष्ण लाल महर्जन (क्लासिक डायमण्ड ज्वेलर्स)

• जुना माथेमा (सेवा सेक्युरिटिज)

• डोल प्रसाद अधिकारी (एजी हेल्थ इन्डस्ट्रिज)

• दिवस न्यौपाने (सर्वोत्तम सिमेन्ट)

• प्रियाराज रेग्मी (क्रिष्टल कञ्चनजंघा सेक्युरिटिज)

• बाबु काजी कार्की (बूढानीलकण्ठ हेरिटेज)

• राजेश कुमार अग्रवाल (अर्घाखाँची सिमेन्ट)

• राम शरण भण्डारी (ह्याम्स अस्पताल)

• शक्ति कुमार बेगानी (बेगानी ग्रुप)

• सुयश प्याकुरेल (एमएम पोलिमर्स)

• ई. सुरज उप्रेती (एसआर फुड्स)

• सचिन ढकाल (आईएमई ग्रुप)

• सुशील थापा (साहस ऊर्जा)

• हेमन्त गोल्छा (हुलास रेमिट्यान्स)

• ऋषि अग्रवाल (चैनवाला) (यती पोलिमर्स)

चुनावी प्रचारका क्रममा उम्मेदवारहरूले नेपालको वर्तमान आर्थिक अवस्थालाई सुदृढ बनाउन र व्यवसायीका समस्यालाई नीतिगत तहमा पुर्‍याउन आफूहरूको उम्मेदवारी रहेको बताएका छन्। पाण्डे नेतृत्वको यो समूहले साना तथा ठूला सबै प्रकारका उद्योगीहरूको हकहितका लागि आवाज उठाउने र नेपालमै लगानीको वातावरण सिर्जना गर्न सरकारसँग पुलको काम गर्ने दाबी गरेको छ।

महासंघको यो ६०औँ साधारण सभाले आगामी कार्यकालका लागि नयाँ नेतृत्व चयन गर्नेछ, जसलाई निजी क्षेत्रले निकै चासोका साथ हेरेको छ। वैशाख २२ गते हुने मतदानले महासंघको आगामी दिशा तय गर्नेछ।