सयपत्री हाइड्रोपावरले ५० प्रतिशत धितो सेयर फुकुवा गर्दै
वि.सं.२०८२ कात्तिक १२ बुधवार
काठमाडौं । सयपत्री हाइड्रोपावर लिमिटेडले आफ्नो प्रमुख जलविद्युत आयोजनाको ऋण भुक्तानी गरेपछि संस्थापक र पदाधिकारीहरूको धितोमा रहेको ५० प्रतिशत सेयर फुकुवा गर्ने भएको छ ।
कम्पनीको ८४ औं सञ्चालक समितिको बैठकले यो निर्णय गरेको हो । दरम खोला ए जलविद्युत आयोजनाको निर्माणका लागि लिइएको सहवित्तीयकरण ऋणको आधाभन्दा बढी रकम भुक्तानी भइसकेपछि सेयर फुकुवाको मापदण्ड पूरा भएको कम्पनीले जनाएको छ ।कम्पनीले सेयर फुकुवा मार्फत वित्तीय स्वास्थ्य सुधार, आम्दानी स्थिरता कायम राख्ने र ऋण भुक्तानी प्रतिबद्धता प्रदर्शन गर्ने लक्ष्य राखेको छ ।दरम खोला ए आयोजनाले २०७३ सालदेखि बाग्लुङ जिल्लामा व्यावसायिक सञ्चालन गर्दै आएको छ।
प्रकाशित समय : १३:२९ बजे
