काठमाडौं। तिब्बत सरकारले नेपाललाई १ सय ५० वटा लिक्विड अक्सिजन सिलिन्डर सहयोग गरेको छ। चीनको स्वशासित क्षेत्र तिब्बतले नेपाललाई सहयोगको रुपमा ३० मेट्रिक टन अक्सिजन बराबरको सिलिन्छ भठाएको हो । यसबाट ४० केजी बराबरको ६ हजार वटा सिलिन्डर भर्न सकिन्छ। यस्तै तिब्बत सरकारले २ सय थान इन्टेन्सिभ केयर युनिट (आइसीयू) ५ थान भेन्टिलेटर र १० थान कन्सेन्ट्रेटर दिने प्रतिबद्धता जनाएको छ। तिब्बत सरकारले स्थलमार्गबाट नेपाल जाने कोभिड सम्बन्धी कार्गो बिना झन्झट नेपाल पठाउने बताएको छ ।

नेपाली महावाणिज्य दूतावासले उक्त कार्गो मुभमेन्टको निरन्तर ट्रयाकिङ र तिब्बत सरकारका पदाधिकारीसँग सम्पर्क गरिरहेको सहसचिव नवराज ढाकालले बताए।

यसैगरी सनसी कम्पनीले ३० वटा अक्सिजन र कन्सन्ट्रेटर सहयोग गरेको छ। यी सामाग्रीलाई सिल्क ट्रान्सपोर्टले ल्हासादेखि काठमाडौंसम्म निःशुल्क ढुवानी गर्नेछ। यस्तै गुडविल फाउन्डेसन तिब्बतले आगामी हप्ता ५० वटा अक्सिजन कन्सन्ट्रेटर दिने जनाएको छ।

यसैगरी निजी क्षेत्रबाट झिकाइएका कोभिडविरुद्धका स्वास्थ्योपचारजन्य सामग्री बोकेका २२ वटा गाडी तातोपानी भन्सार पुग्ने चरणमा छन ।
अक्सिजन उताबाट नेपालका लागि प्रस्थान गरेको छ भने शुक्रबार बेलुका खासा क्षेत्रमा आइपुग्ने छ।

२०७८ जेठ ६ गते प्रकाशित