काठमाडौं। । प्रवासी नेपाली मञ्च आयोवा राज्य कमिटी अमेरिकाले विपन्न बालबालिकाको छात्रवृत्तिका लागि ५ लाख सहयोग गरेको छ ।

मञ्चका अध्यक्ष पुरुषोत्तम बराललगायतले तिहारमा देउसी भैलो खेलेर जम्मा भएको ५ लाख रुपैयाँ जाजरकोटका भूकम्प, प्राकृतिक प्रकोपबाट अभिभावक गुमाएका, विपन्न परिवारका बालबालिकाको छात्रवृत्तिका लागि नेपाल राष्ट्रिय शिक्षक सङ्गठन जिल्ला कमिटी जाजरकोटको नाममा अक्षयकोष स्थापना गर्ने गरी उक्त रकम हस्तान्तरण गरिएको हो ।

अर्को वर्ष थप ५ लाख रुपैयाँ थप जम्मा गर्ने गरी १० लाख रुपैयाँको कोष बनाउने डा. थोमस बास्तोलाले घोषणा गरेका छन् ।

काठमाडौँको बागबजारस्थित हार्दिक होटलमा एक समारोहका बिच नेपाल राष्ट्रिय शिक्षक सङ्गठनका अध्यक्ष डा. सुरेश कुमार आरसी र डा. थोमस बास्तोलाबिच विद्यार्थी छात्रवृत्ति अक्षय कोष सम्बन्धी सहमति पत्रमा हस्ताक्षर आदानप्रदान गरिएको छ ।