काठमाडौं । ओम मेगाश्री फर्मासुटिकल्स लिमिटेडले सर्वसाधारणमा प्राथमिक सार्वजनिक निष्काशन (आइपीओ) निष्काशनको अनुमति पाएको छ ।

नेपाल धितोपत्र बोर्डले माघ ३ गते कम्पनीलाई आईपीओ निष्काशन गर्ने अनुमति दिएको हो । कम्पनीले १८ करोड रुपैयाँ बराबरको १८ लाख कित्ता साधारणा शेयर निष्काशन गर्ने अनुमति पाएको हो ।

कम्पनीले प्रति कित्ता अंकित मुल्य १०० रुपैयाँमा शेयर निष्काशन गर्ने जनाएको छ। कम्पनीको शेयर निष्काशन तथा बिक्री प्रबन्धकमा प्रभु क्यापिटल रहेको छ ।

नेपालको पुँजीबजारको इतिहासमा पहिलोपटक औषधि उत्पादन गर्ने कम्पनीले आईपीओ निष्काशन गर्न लागेको हो ।

चितवनमा औषधि उत्पादन उद्योग रहेको यस कम्पनीले २०८० फागुन ४ बाट उत्पादन सुरू गरेको हो।