एकैदिन आठ कम्पनीको लाभांश सुरक्षित गर्ने अन्तिम दिन
कति दिँदैछन् लाभांश ?
वि.सं.२०८१ पुस १८ बिहीवार
काठमाडौं । आज एकैदिन आधा दर्जन बढी कम्पनीको लाभांश सुरक्षित गर्ने अन्तिम दिन रहेको छ । बिहीबार आठ वटा कम्पनीहरुको लाभांश सुरक्षित गर्ने अन्तिम दिन छ ।
लुम्बिनी विकास बैंक, हिमालयन डिष्टीलरी, कालिका लघुवित्त, सूर्योदय वोमी लघुवित्त, मेरो माइक्रोफाइनान्स, श्री इन्भेष्टमेन्ट एन्ड फाइनान्स, कालिका पावर र बोतलर्स नेपाल (तराई) को लाभांश सुरक्षित गर्ने आज अन्तिम दिन हो ।
यी आठै वटा कम्पनीहरुले आउँलो आइतबार (पुस २१ गते) बुक क्लोज गर्ने भएका छन् । तर, शुक्रबार र शनिबार सेयर कारोबार नहुने भएकाले आजसम्म कायम सेयरधनीहरुले मात्रै ती कम्पनीहरुको लाभांश प्राप्त गर्न सक्नेछन् ।
कति दिँदैछन् लाभांश ?
लुम्बिनी विकास बैंकले यो वर्ष आफ्ना सेयरधनीलाई ७ प्रतिशत लाभांश दिने भएको छ गत आवको मुनाफाबाट बैंकले ३ प्रतिशत बोनस सेयर र करसहित ४ प्रतिशत नगद लाभांश दिने भएको हो । सो प्रस्ताव गर्न बैंकले पुस २९ गते साधारण सभा बोलाएको छ ।
यस्तै, हिमालयन डिष्टीलरीले १५ प्रतिशत बोनस सेयर र ५ प्रतिशत नगद लाभांश (कर प्रयोजनसहित) दिने भएको छ । सो प्रस्ताव पारित गर्न कम्पनीले पुस २८ गते साधारण सभा बोलाएको छ ।
गत आर्थिक वर्षको मुनाफाबाट कालिका लघुवित्तले १० प्रतिशत लाभांश दिने भएको छ ।कम्पनीले यो वर्ष आफ्ना सेयरधनीलाई ९.५० प्रतिशत बोनस सेयर र कर प्रयोजनका लागि ०.५० प्रतिशत नगद लाभांश दिने भएको हो । उक्त लाभांश गर्न कम्पनीले पुस २९ गते साधारण सभा बोलाएको छ ।
यस्तै, सूर्योदय वोमीले पनि आफ्ना सेयरधनीलाई ६.९६ प्रतिशत लाभांश दिने भएको छ । यो वर्ष कम्पनीले ६ प्रतिशत बोनस सेयर र कर प्रयोजनार्थ ०.९६ प्रतिशत नगद लाभांश दिने भएको हो । सो प्रस्ताव पारित कम्पनीले पुस २८ गते साधारण सभा बोलाएको छ ।
यता, मेरो माइक्रोफाइनान्सले ७.५ प्रतिशत बोनस सेयर कर प्रयोजनका लागि ०.३९४७ प्रतिशत नगद लाभांश, श्री इन्भेष्टमेन्ट एण्ड फाइनान्सले १.८६५९ प्रतिशत बोनस सेयर र कर प्रयोजनका लागि ०.०९८२ प्रतिशत नगद लाभांश, कालिका पावरले ७.३६ प्रतिशत (७ प्रतिशत बोनस सेयर र ०.३६ प्रतिशत नगद) लाभांश दिने भएको छ । यी तीनै वटा कम्पनीहरुले सो दरका लाभांश पारित गर्न क्रमशः माघ ४ गते, पुस २९ गते र पुस २९ गते साधारण सभा बोलाएका छन् ।
यस्तै, बोतलर्स नेपाल (तराई) ले पनि यो वर्ष ५० प्रतिशत नगद लाभांश दिने भएको छ । उक्त लाभांश पारित गर्न कम्पनीले पुस २६ गते साधारण सभा बोलाएको छ ।
प्रकाशित समय : १२:०८ बजे
