महुली लघुवित्तको एफपीओ बाँडफाँड भोली हुँदै
वि.सं.२०८१ पुस १८ बिहीवार
काठमाडौं । महुली लघुवित्तको एफपीओ पुस १९ गते भोली (शुक्रबार) बाँडफाँड हुने भएको छ । बिक्री प्रबन्धक लक्ष्मी सनराइज क्यापिटलका अनुसार शुक्रबार बिहान १०.३० बजे नयाँ बानेश्वर काठमाडौंमा एफपीओ बाँडफाँड गर्ने भएको हो ।
कम्पनीको एफपीओमा १७ लाख ८५ हजार ८५३ जनाले २ करोड ४८ लाख ८५ हजार ८४० कित्ताका लागि आवेदन दिएका हुन् । जुन मागभन्दा ५२.३४ गुणा बढी आवेदन हो । यसर्थ गोलाप्रथाबाट एफपीओ बाँडफाँड हुनेछ ।
जसअनुसार ४७ हजार ५४५ जनाले मात्र सेयर हात पार्नेछन् । बाँकी १७ लाख ११ हजार ३०८ जनाको भने हात खाली हुनेछ ।
लघुवित्तले पुस ५ गतेदेखि ४ करोड ७५ लाख ४४ हजार ९१५ रुपैयाँबराबरको प्रतिकित्ता १०० रुपैयाँ अंकित मूल्यका ४ लाख ७५ हजार ४४९.१५ कित्ता शेयर निष्काशन गरेको हो। लघुवित्तको धितोपत्र निष्काशन तथा बिक्री प्रबन्धक लक्ष्मी सनराइज क्यापिटल लिमिटेड रहेको छ।
प्रकाशित समय : १२:१४ बजे
