सिटिजन्स बैंकको संस्थापक शेयर बिक्रीमा, प्रतिकित्ता १०० रूपैयाँमै पाइने
वि.सं.२०८१ पुस २ मंगलवार
काठमाडौं । सिटिजन्स बैंक इन्टरनेसनल लिमिटेडले संस्थापक शेयरधनीको नाममा रहेको २ लाख २० हजार ७ कित्ता संस्थापक शेयर बिक्री खुला गरेको छ ।
बैंकले प्रतिकित्ता शेयरको न्यूनतम मूल्य १ सय रुपैयाँ तोकेको छ । शेयर खरिद गर्न इच्छुक संस्थापकले पुस २ गतेबाट ३५ दिन भित्र बैंकको केन्द्रीय कार्यालय नारायणहिटी पथमा निवेदन पेश गर्नु पर्नेछ ।
तोकिएको अवधिभित्र विद्यमान संस्थापक शेयरधनीहरूमा उल्लेखित शेयर विक्री हुन नसकेमा सर्वसाधारणमा यी शेयर विक्री प्रक्रिया अघि बढाईनेछ । यसमा बैंकका विद्यमान अन्य संस्थापक शेयरधनीले आवेदन दिन सक्नेछन् ।
प्रकाशित समय : १५:०३ बजे
