काठमाडौं । निर्धन उत्थान लघुवित्त वित्तीय संस्थाले ऋण नतिर्ने १२५ जना ऋणीको नाम सार्वजनिक गरेको छ ।

लघुवित्तले समयमै ऋण नतिर्ने १२५ जना ऋणीको नाम सार्वजनिक गरेको हो ।

संस्थाले पटक–पटक मौखिक र लिखित रुपमा सचेत गराउँदा पनि उनीहरूले लिएको ऋण तिर्न चासो नदेखाएपछि यो कदम उठाइएको हो।

यसअघि पनि कार्तिक ९ गते र १४ गते कम्पनीले १२५ जनाको नाम सार्वजनिक गरेको थियो । संस्थाले ऋणीहरूलाई ३५ दिनको समयसीमा तोक्दै, यस अवधिमा सम्पर्क गरी बक्यौता चुक्ता गर्न सूचना जारी गरेको छ।

लघुवित्त संस्थाले सार्वजनिक गरेको सूचनामा उल्लेख गरेअनुसार, ऋणीहरूले लिएको ऋण धितो सुरक्षा राखेर वा सामूहिक जमानीमा प्राप्त गरेका थिए। तर, ऋणीहरूले लिएको ऋणको साँवा, ब्याज र अन्य सम्बन्धित रकम समयमै नतिर्दा, यसले संस्थाको सर्त उल्लङ्घन गरेको बताइएको छ।

समयमा भुक्तान नगरेमा कर्जा सूचना केन्द्रको कालोसूचीमा नाम समावेश गरिने र धितोमा रहेका चल अचल सम्पत्तिहरू लिलाम विक्री गरी रकम असुली गरिने चेतावनी दिएको छ।

यदि ३५ दिनभित्र नतिरेको खण्डमा ऋणी तथा जमानीकर्तालाई कर्जा सूचना केन्द्रको कालोसूचीमा नाम समावेश गर्ने लघुवित्तले जनाएको छ । साथै धितोमा रहेका वा नरहेको चलअचल सम्पत्ति लिलाम विक्री गरी वा अन्य कुनै व्यवस्था गरी आफ्नो लेना रकम असुल गरिने बताइएको छ ।