काठमाडौं । नागरिक लगानी कोषले चालु आर्थिक वर्ष २०८१र८२ को पहिलो त्रैमासम्मको वित्तिय विवरण सार्वजनिक गरेको छ ।

कोषले चालु आर्थिक वर्षको असोज महिनासम्ममा ३० करोड ९ लाख ८१ हजार रुपैयाँ खुद नाफा आर्जन गरेको छ । कोषले गत आवको सोही अवधिको तुलनामा १३.६२ प्रतिशत अर्थात ३ करोड ६० लाख ८६ हजार रुपैयाँले बढी नाफा आर्जन गरेको हो ।

कोषले गत वर्षको सोही अवधिमा २६ करोड ४८ लाख ९५ हजार रुपैयाँ खुद नाफा कमाएको थियो । तिन महिनामा कोषको कुल आम्दानी ५१ करोड ७० लाख १३ हजार रुपैयाँ रहेको छ भने गत वर्ष कोषको कुल आम्दानी ४५ करोड ९१ लाख ६९ हजार रुपैयाँ रहेको थियो ।

त्यसैगरी, कम्पनीको ब्याज आम्दानी ३.७९ प्रतिशतले घटेर ११ करोड ९८ लाख २१ हजार रुपैयाँ भएको छ ।

गत वर्षको यसै अवधिमा कोषको ब्याज आम्दानी १२ करोड ४५ लाख ४० हजार रुपैयाँ रहेको थियो ।

तिन महिनामा कोषको प्रतिशेयर आम्दानी १९.८७ रुपैयाँ, प्रतिशेयर नेटवर्थ १५७.४२ रुपैयाँ र कस्ट अफ फण्ड ६.३८ प्रतिशत रहेको छ ।

कोषको खुद स्थिर सम्पत्ति २ अर्ब ३३ करोड ६६ लाख १८ हजार रुपैयाँ र खुद कोष मौज्दात २ खर्ब ६१ अर्ब २६ करोड ३४ लाख ५४ हजार रुपैयाँ रहेकोे छ ।

कोषको चुक्तापुँजी ६ अर्ब ५ करोड ७६ लाख ७५ हजार रुपैयाँ रहेको छ ।