५ वर्ष पुरानो नगद लाभांश बुझिदिन हिमालयन एभरेष्ट इन्सुरेन्सले शेयरधनीहरूलाई बोलायो
वि.सं.२०८१ कात्तिक १३ मंगलवार
काठमाडौं । हिमालयन एभरेष्ट इन्सुरेन्सले ५ वर्ष पुरानो नगद लाभांश बुझिदिन शेयरधनीसँग आग्रह गरेको छ । कतिपय शेयरधनीले ५ वर्षअघिको नगद लाभांश लिन नआएपछि कम्पनीले सूचना जारी गरेरै लिन बोलाएको हो ।
यसको लागि शेयर रजिष्ट्रारको कार्यालय एनएमबि क्यापिटल, बालुवाटार काठमाडौंमा ३५ दिनभित्र सम्पर्क गरेर नगद लाभांश बुझ्न कम्पनीले अनुरोध गरेको हो ।
कम्पनीले तोकिएको समय भित्र नगद लाभांश लिन नगएमा उक्त रकम लगानीकर्ता संरक्षण कोषमा पठाइने सूचनामा उल्लेख गरेको छ ।
प्रकाशित समय : १४:१३ बजे
