काठमाडौं । सिटिजन्स बैंक इन्टरनेसनल लिमिटेडको साधारण सभाले कर प्रयोजनसहितको ५९ करोड ७९ लाख ३५ हजार ७४७ रुपैयाँ नगद लाभांश दिने प्रस्ताव सर्वसम्मतले पारित गरेको छ ।

बैंकको कार्तिक १२ गते अमृतभोग, कालिकास्थान, डिल्लीबजार, काठमाडौंमा सम्पन्न भएको सभाले सो प्रस्ताव पारित गरेको हो ।

त्यसैगरी, सभाले गत आर्थिक वर्ष २०८०/८१ को वितरण योग्य मुनाफाबाट २०८१ आषाढ मसान्तको चुक्तापुँजी १४ अर्ब २० करोड ९ लाख ७४ हजार ६ रुपैयाँको ४ प्रतिशतले हुने ५६ करोड ८० लाख ३८ हजार ९ सय ६० रुपैयाँ बोनस शेयर र कर प्रयोजनको लागि नगद लाभांश ०.२१ प्रतिशतलेसहित ५९ करोड ७९ लाख ३५ हजार ७४७ रुपैयाँ लाभांश दिने प्रस्ताव सर्वसम्मतिबाट पारित गरेको छ ।

सभामा आव २०८०/८१ को संचालक समितिको वार्षिक प्रतिवेदन छलफल गरि पारित गरेको छ । सभामा आव २०८०र८१ को नाफा नोक्सानीको हिसाव तथा नगद प्रवाह विवरण लगायतका एकीकृत वित्तीय विवरणहरु सभामा छलफल भई स्वीकृत भएको बैंकले जनाएको छ ।