माछापुच्छ्रे बैंकको साढे १० लाख कित्ता संस्थापक शेयर बिक्रीमा
वि.सं.२०८१ कात्तिक २ शुक्रवार
काठमाडौं । माछापुच्छ्रे बैंकका १ जना संस्थापक शेयरधनीले आफ्नो स्वामित्वमा रहेको शेयर आजबाट बिक्रीमा ल्याएका छन् । संस्थापक गणेश बहादुर क्षेत्रीले आफ्नो नाममा रहेको १० लाख ५६ हजार ९१७ कित्ता शेयर बिक्रीमा ल्याएका हुन् ।
यसमा जो कोही व्यक्ति, कम्पनी तथा विभिन्न संघ संस्थाहरुले आवेदन दिन सक्नेछन् । यसअघि विद्यमान संस्थापक शेयरधनीहरूले शेयर खरिद नगरेपछि सो शेयर सर्वसाधारण लगानीकर्ताले समेत किन्न सक्ने गरी बिक्री खुला गरिएको हो ।
शेयर खरिद गर्न इच्छुक संस्थापकले आजबाट ७ दिनभित्र माछापुच्छ्रे क्यापिटल, जेडीए कम्प्लेक्स सुन्धारा काठमाडौंमा के कति शेयर खरिद गर्ने सो को व्यहोरा खुलाई आवेदन फारम बुझाउन सक्नेछन् । शेयरको भाउ भने तोकिएको छैन ।
प्रकाशित समय : १३:४४ बजे
