योग तथा प्राकृतिक चिकित्सक संघको १२ औं साधारणसभा
वि.सं.२०७८ फागुन ७ शनिवार
काठमाडौँ । योग तथा प्राकृतिक चिकित्सक संघको १२ औं साधारण सभा आज सम्पन्न भएको छ । साधारणसभा आज शनिबार संस्थाका केन्द्रीय अध्यक्ष डा. जनक बस्नेतको अध्यक्षतामा संस्थाको केन्द्रीय कार्यालय बाँसबारीमा सम्पन्न भएको हो ।
कार्यक्रममा संस्थाका केन्द्रीय प्रतिनिधिहरूले आ-आफ्नो धारणा राखेका थिए । संस्थाका महासचिव डा. रबिनलाल श्रेष्ठले संस्थाको वार्षिक प्रतिवेदन प्रस्तुत गरेका थिए ।
संस्थाका कोषाध्यक्ष डा. पुकार लोहनीले आर्थिक प्रतिवेदन प्रस्तुत गरेका थिए । कार्यक्रममा संस्थाका उपाध्यक्ष डा. यन्जन गैह्रेले स्वागत मन्तव्य राखेका थिए ।
यसैगरी योग र प्राकृतिक चिकित्साको भविष्य र आवश्यकता बारे डा. हेमराज कोइरालाले आफ्नो मन्तव्य दिएका थिए । साधारणसभामा संस्थाका पदाधिकारी, सदस्यहरू र योग तथा प्राकृतिक चिकित्सा क्षेत्रका चिकित्सकहरुको उपस्थिति रहेको थियो ।
प्रकाशित समय : १९:१५ बजे
