काठमाडौं । शिवम् सिमेन्ट्स लिमिटेडको चालु आर्थिक वर्षको पहिलो त्रैमासमा खुद नाफा २८.२३ प्रतिशत घटेर २० करोड ८२ लाख ४५ हजार रुपैयाँ आर्जन गरेको छ । गत आर्थिक वर्षको सोही अवधिमा २९ करोड १ लाख ३९ हजार रुपैयाँ खुद नाफा आर्जन गरेको थियो ।

समीक्षा अवधिमा कम्पनीको बिक्री आम्दानी १४.४९ प्रतिशत बढर २ अर्ब २० करोड ६७ लाख ११ हजार रुपैयाँ आर्जन गरेको छ । गत आर्थिक बर्षको सोही अवधिमा कम्पनीले १ अर्ब ९२ करोड ७३ लाख ९४ हजार रुपैयाँ बिmक्री आम्दानी गरेको थियो ।

असोज मसान्तसम्म कम्पनीको कुल आम्दानी १३.५३ प्रतिशत बढेर २ अर्ब २१ करोड ६० लाख ७१ हजार रुपैयाँ गरेको छ । गत आर्थिक बर्षको सोही अवधिमा कम्पनीले १ अर्ब ९५ करोड २० लाख २० हजार रुपैयाँ कुल आम्दानी गरेको थियो ।

चालु आर्थिक बर्षको ३ महिनामा कम्पनीको कुल खर्च २२.९३ प्रतिशत बढेर १ अर्ब ९७ करोड २५ लाख ६४ हजार रुपैयाँ गरेको छ । गत आर्थिक बर्षको सोही अवधिमा कम्पनीले १ अर्ब ६० करोड ४६ लाख २९ हजार रुपैयाँ कुल खर्च गरेको थियो ।

कम्पनीको प्रतिशेयर आम्दानी गत आर्थिक वर्षको महिलो त्रैमासमा २६ रुपैयाँ ३८ पैसा रहेकोमा चालु आर्थिक वर्षको सोही अवधिमा ७ रुपैयाँ ४४ पैसा घटेर १७ रुपैयाँ ९३ पैसामा सीमित भएको छ । कम्पनीको प्रतिशेयर नेटवर्थ २२७ रुपैयाँ ५९ पैसा र मूल्य आम्दानी अनुपात ६९.९४ गुणा रहेको छ ।