काठमाडौं ।  नेपालमा यामाहाका एकमात्र आधिकारिक वितरक एमएडब्ल्यू राइड्सले पुस १८/१९ मा “यामाहा सर्भिस इन्चार्जमिट २०८१” भव्य रूपमा सम्पन्न गरेको छ।

राष्ट्रव्यापी डिलर नेटवर्कका ६९ सर्भिस इन्चार्जहरूको सहभागितामा सम्पन्न दुईदिने यस कार्यक्रममा सेवा गुणस्तर सुधार र ग्राहक सन्तुष्टि वृद्धि गर्ने उद्देश्यले विविध सत्रहरू सञ्चालन गरिएका थिए।

टोली निर्माण र सहकार्य प्रवर्द्धन गर्न आयोजित यो कार्यक्रममा ग्राहक सन्तुष्टि, सेवा प्रक्रियाको गुणस्तर, डिलर कार्यसम्पादन र जनशक्ति क्षमताका विषयमा विशेष चर्चा गरियो।

यामाहाको उत्कृष्ट सेवा सुनिश्चित गर्दै ग्राहकहरूसँगको विश्वासलाई अझ मजबुत बनाउने लक्ष्यका साथ कार्यक्रम सफलतापूर्वक सम्पन्न भएको एमएडब्ल्यू राइड्सले जनाएको छ।

कार्यक्रममा आर्थिक वर्ष २०८०/८१ र ८१/८२ का सेवा कार्यसम्पादनको समीक्षा गर्दै, एमएडब्ल्यूद्वारा गरिएका नवीनतम सेवा पहलहरूको अद्यावधिक जानकारी प्रदान गर्‍यो।

साथै, सर्भिस इन्चार्जहरूको व्यवस्थापकीय क्षमतामा सुधार गर्दै सुव्यवस्थित सेवा प्रक्रियाहरू, सेवा गुणस्तर र ग्राहकप्रति सकारात्मक धारण निर्माणमा योगदान पुर्‍यायो।