अवार्ड्सहरु बिचित्रका हुन थाले । पैसाको अवार्ड्स् एक हजार दियो, अवार्ड्स लियो । आबेदन दियो, अवार्ड्स लियो ! बिदेश जान अवार्ड्स ! अवार्ड्स चाइयो कि पाइयो । यति धेरै छन् कि करिव एक वर्षमा ५० देखि ६० अवार्ड्स ।

आयोजना गर्ने आयोजकलाई अवार्डको बारेमा सोध्यो भने केहि थाहा छैन.। अवार्ड्सको महत्व के हुन्छ ? अवार्ड्स कस्तो व्यक्तिलाई दिने ? अनि केका लागि अवार्ड्स दिने ? जस्तो पनि अवार्ड्स । फेरी हामि लिने मान्छे पनि कस्तो ? अवार्ड्स पाउदै हुनुहुन्छ, भनेसी लिन कुदि हाल्ने ! पछिल्लो समयमा हुने अवार्ड्स कार्यक्रमले मानब तस्करी समेत भैरहेको छ ।

पछिल्लो समय हुने कार्यक्रमले नेपाल सरकारको बजेटलाई यसरी उडाएका छन् कि हामी कसैलाई केहि जानकारी नै छैन । नामको मात्र पर्यटन कार्यक्रम, नामको मात्र अवार्ड्स ! सरकारको बजेट आफ्ना आफ्नालाई अनि बाँकी कमिशनको खेल । यस्तै खालको प्रवृतिले गर्दा राम्रा कार्यक्रम तथा अवार्ड्सहरुले पुर्णता पाउन सकेनन् ।

डिजिटलको जमानामा होर्डिङ्ग बोर्ड लगाएर गर्ने अवार्ड कार्यक्रम कति सम्मको बजेट हो ? अनि बजेट नबुझि नगरपालिकाहरुले गरेको सहकार्य हास्यास्पद भएन र ? खादा लगाउन पाए हुरुक्क हुने हाम्रा ठुला बडाहरुले यो कार्यक्रमको तालिका, प्रस्तावना समेत हेर्न नपाउदै तोक लागि हाल्छ ! कार्याक्रममा भाग लिनेहरुले आयोजक को हो ? उसको प्रोफाइल के हो ? कति कार्यक्रम गर्यो ? केहि नबुझि सरकारी निकायले सहयोग गरेर झन् मानब तस्करमा सहयोग गरेको छ ।

बर्षमा एउटा कार्यक्रम गरेर विदेशमा लगेर मान्छे बेच्ने र स्वदेशमा सरकारको बजेट पचाउने १ लाख लगानी गरेर १० लाख खर्च देखाउने कार्यक्रम फलेक्स लगाएर गर्ने ।

यस्ता अवार्ड्स तथा कार्यक्रमहरु पर्टीका झोलेहरुले गर्छन । अनि सबैलाई बिगार्छन ! यो मेरो १५ बर्षको अनुभव हो मैले बुझेको ।
यो विचार समग्र मिडिया वार्षिक स्मारिका २०७९ मा प्रकाशित भएको छ।