काठमाडौं । साताको चौथो कारोबारको दिन नेप्से परिसूचक ९.६१ अंकले बढेर २६६५.६० विन्दुमा रोकिएको छ ।

यसअघि मंगलबार नेप्से परिसूचक ५.३२ अंकले बढेर २६५५.९९ अंकमा रोकिएको थियो । आजको बजारमा सेन्सेटिभ इन्डेक्स १.६४ अंकले बढेको छ । फ्लोट इन्डेक्स ०.५४ अंकले बढेको छ भने सेन्सेटिभ फ्लोट इन्डेक्स ०.४९ अंकले बढेको छ ।

मंगलबार ५ अर्ब ८२ करोड रुपैयाँभन्दा बढिको कारोबार भएको बजारमा यस दिन कूल ३ सय २२ स्टकको ६ अर्ब ६९ करोड २९ लाख ७१ हजार रुपैयाँ बराबरको एक करोड ३६ लाख २० हजार कित्ता सेयर किनबेच भएको छ । यो किनबेच ९१ हजार ७ सय ५ पटकको कारोबारमा भएको हो ।
यसदिन ४ वटा कम्पनिको सेयर सकारात्मक सर्किट लेभलमा कारोबार भएको छ । झापा इनर्जी लिमिटेड,सागर डिस्टिलरी स्वस्तिक लघुवित्त र श्रिनगर एग्रिटेक इन्डस्ट्रिको सेयर मूल्य १० प्रतिशतले बढेको हो ।

त्यसैगरी ,रिभरफल्स पावर र महिला लघुवित्तको सेयर पनि ९ प्रतिशत भन्दा धेरैले बढेको छ । आज बोटर्लस नेपालको सेयर मूल्यमा सबैभन्दा धेरै गिरावट आएको छ । यस कम्पनिको सेयर प्रति कित्ता ३.९४ प्रतिशतले घटेर १६ हजार २ सय ५० मा अन्तिम कारोबार भएको छ ।

यस्तै उन्नती सहकार्य लघुवित्तको सेयर मूल्य पनि प्रतिकित्ता ३.८१ प्रतिशतले घट्दै १७ सय ४० रुपैयाँमा अन्तिम कारोबार भएको छ ।

आजको कारोबारमा एनआरएन इन्फ्राइन्स्टक्चर एण्ड डेभलपमेन्ट लिमिटेडको सेयर सबैभन्दा बढि कारोबार भएको छ । यस्तै,सिभम सिमेन्ट,हिमालयन डिस्टिलरी,बन्दीपुर केवलकार र हिमालयन रिइन्स्योरेन्सको सेयर सबैभन्दा धेरै कारोबार भएको छ ।