काठमाडौं। साताको अन्तिम कारोबार दिन नेप्से परिसूचक सामान्य अंक घटेर बन्द भएको छ।

बिहीबार नेप्से परिसूचक ७.३३ अंक घटेर २५८८.६२ बिन्दुमा पुगेर बजार बन्द भएको हो ।

नेप्से घटेपनि आज कारोबार रकम भने बढेको छ। अघिल्लो कारोबार दिन अर्थात बुधबार ५ अर्ब ८२ करोडको शेयर खरिदबिक्री भएको बजारमा आज भने २९६ स्टकको ७० हजार ६३४ पटकको कारोबारमा ५ अर्ब ९३ कराड ३७ लाख ११ हजार रुपैयाँबराबरको १ करोड १७ लाख ४९ हजार कित्ता शेयर खरिदबिक्री भएको छ।

बिहीबार ८८ कम्पनीको शेयर मूल्य बढ्दा १५२ कम्पनीको शेयर मूल्य घटेको छ भने ३ कम्पनीको शेयर मल्य स्थिर रहेको छ ।

बिहीबार सिन्धु विकास बैंकको सर्वाधिक कारोबार भएको छ । कम्पनीको २८ करोड ५७ लाख बढी संकलन भएको छ । कम्पनीको शेयर प्रतिकित्ता १ हजार ४२ रुपैयाँ पुगेको छ ।

१३ उपसमूहमध्ये यस दिन ५ उपसमूहको परिसूचक बढेको छ भने ८ उपसमूहको परिसूचक घटेको छ।

आज व्यापार उपसमूहको परिसूचक सर्वाधिक २.०३ प्रतिशत बढेको छ। बाँकी ४ उपसमूहको परिसूचक भने यस दिन सामान्य बढेको छ।