काठमाडौं । प्रभु महालक्ष्मी लाइफ इन्स्योरेन्सको नाफा शतप्रतिशत बढेको छ। कम्पनीले बुधवार सार्वजनिक गरेको गत आर्थिक वर्ष २०८०/८१ को चौंथो त्रैमासिक वित्तीय विवरणले यस्तो देखाएको हो ।

गत वर्ष कम्पनीले ३६ करोड ६१ लाख ७४ हजार रुपैयाँ नाफा कमाएको छ । कम्पनीको यो नाफा अघिल्लो आवको तुलनामा १०४.४० प्रतिशत बढी हो । अघिल्लो आवमा कम्पनीले १७ करोड ९१ लाख ४९ हजार रुपैयाँ मात्रै नाफा कमाएको थियो ।

कम्पनीको व्यापारमा पनि उछाल आएको छ। गत आवमा आईपुग्दा कम्पनीको कुल बीमा शुल्क आर्जन पनि ११३.०८ प्रतिशत बढेर ४ अर्ब ३७करोड २३ लाख ३४ हजार रुपैयाँ कायम भएको छ। अघिल्लो आवमा पनि कम्पनीको यस्तो बीमा शुल्क आर्जन २ अर्ब ५ करोड १९ लाख रुपैयाँ मात्रै रहेको थियो ।

यता, खुद बीमा शुल्क आर्जन पनि १२२. ४० प्रतिशत बढेर ४ अर्ब २३ करोड ८० लाख रुपैयाँ कायम भएको छ । यसरी व्यापारमा देखिएको उल्लेख्य सुधार नै कम्पनीको नाफामा उछाल आएको हो ।

हाल कम्पनीको प्रतिसेयर आम्दानी (इपिएस) ८ रुपैयाँ ५२ पैसा छ । यता, प्रतिसेयर नेटवर्थ भने १२७ रुपैयाँ ०३ पैसा छ ।कम्पनीको जीवन बीमा कोषको आकार पनि ४०.४९ प्रतिशत बढेर १० अर्ब २८ करोड ६९ लाख रुपैयाँ पुगेको छ ।

हाल कम्पनकिो चुक्ता पुँजी ४ अर्ब २९ करोड ६० लाख रुपैयाँ छ । कम्पनीको सेयर प्रिमियम १ करोड ९३ लाख छ । यता, कम्पनीले महाविपत्ती कोषमा भने ९ करोड ६ लाख रुपैयाँ राखेको छ । यस्तै, रिटेण्ड अर्निङ्गमा ९५ करोड ६१ लाख र अन्य इक्विटीमामा ९ करोड ५१ लाख रुपैयाँ रहेको छ।