काठमाडौं । जेठ महिनादेखि शुक्रबार पनि सेयर बजार खुल्ने भएको छ । सरकारले जेठ महिनादेखि लागू हुने गरी शनिबार र आइतबार सार्वजनिक बिदा दिने निर्णय गरेसँगै नेपाल धितोपत्र बोर्ड (सेबोन) शुक्रबार पनि शेयर बजार खुलाउने निर्णय गरेको हो ।

सेबोनका अध्यक्ष रमेशकुमार हमालले अनुसार शुक्रबार शेयर बजार खुलाउन निर्देशन दिइसकेको र थप आवश्यक प्रक्रियाबारे कार्य गरि रहेको बताए ।

यस अघि भने आइतबारदेखि बिहीबारसम्म ५ दिनमात्र सेयर कारोबार हुने गरेकोमा सरकारले आइतबार पनि सार्वजनिक बिदा दिने निर्णय गरेसँगै ४ दिन मात्र शेयर बजार खुल्ने आंशका रहेको थियो ।

तर, सरकारको आइतबार सार्वजनिक बिदा दिने निर्णय अनुसार नेप्सेले पनि आइतबार बिदा दिएर त्यसको साटो शुक्रबार सेयर कारोबार खोल्ने विषयमा छलफल गर्दैआएको थियो ।

सेबोनले ५ दिन नै शेयर बजार खुलाउनको लागि शुक्रबार बजार खुलाउन नेप्सेलाई निर्देशन दिएको छ ।