काठमाडौं । नेपालको नम्बर एक स्मार्ट फोन ब्रान्ड साओमीले चाडपर्वको अवसर पारेर आफ्नो मोबाइल सेटहरुमा सिमित अवधि को लागि उल्लेखनीय रुपमा मुल्य घटाएको छ । नेपालीहरुको महान चाड दसैं, तिहार तथा छठको शुभ अवसर पारेर आफ्नो ग्राहकहरुको लागि यस योजना ल्याइएको कम्पनीले जनाएको छ ।

यो बारेमा बोल्दै साओमी नेपालका कन्ट्रि जेनेरल म्यानेजर अमित कुमार पंडाले भने ‘ नेपालीहरुको महान चाड दसैंँको शुभ उपलक्ष्यमा हाम्रा ग्राहकहरुको लागि साबिक भन्दा कम मुल्यमा मोबाइल फोन उपलब्ध गइरहेका छौँ । यसले चाडपर्वको माहोललाई अझै रोमान्चक बनाउने छ भन्ने हामीले आशा लिएका छौँ ।’

यो अफर अन्तर्गत उपभोक्ताहरुले रेडमी नोट ११ सिरिजमा १ हजार रुपैँया र रेडमी नोट १२ सिरिजमा ३ हजार रुपैयाँसम्म को कम मुल्यमा मोबाइल सेट खरिद गर्न सकिनेछ । यो अफर सिमित अवधि को लागि असोज २ गते देखि १७ गते सम्म लागु हुनेछ ।