‘युवा,युवतीहरुले विदेशमा श्रम बेचेर पठाएको पैसाले नेताहरुले आफ्ना सन्तानलाई अमेरिका, बेलायतमा पढाएका छन्, यो कस्तो नैतिकता हो ?’- काली बाबा
वि.सं.२०८१ भदौ ४ मंगलवार
काठमाडौं। गुरू बाबा कालीदाश स्वामी कृष्णानन्द परमहंश (काली बाबा) ले भ्रष्टाचार र दुराचारले नेपाल जर्जर भएको बताएका छन् ।
मंगलवार भारत जानुअघि काठमाडौंमा पत्रकार सम्मेलन गरी उनले यस्तो बताएका हुन् ।
उनले युवा,युवतीहरुले विदेशमा गएर श्रम बेचेर पठाएको पैसाले नेताहरुले अमेरिका, बेलायत, स्कटल्याण्डमा आफ्ना सन्तानलाई शिक्षा, दिक्षाका लागि पठाइरहेको भन्दै यो कस्तो नैतिकता हो ? भन्दै प्रश्न गरे। उनले सबै नेपालीले यसबारेमा सोच्नुपर्ने बेला भएको बताए । उनले नेपालमा अहिले अनैतिक, दुराचार, भ्रष्टाचार भइरहेको भन्दै नेपाली जनताले अब सहन नहुने बताए ।
नेताहरुले नेपालाई हिन्दुराष्ट्र घोषणा नगरेसम्म नेपालमा आफूले अभियान सञ्चालन गरिरहने बताए । उनले आफूले नेपालका विभिन्न स्थानमा भ्रमण गर्ने क्रममा नेपाली जनताले राजा ल्याइदिन आफूसँग आग्रह गरेको पनि बताए ।
प्रकाशित समय : १६:४९ बजे
