चितवन । भरतपुर महानगरपालिकाको मेयरमा नेकपा माओवादी केन्द्रकी उम्मेदवार रेणु दाहालले ६०१ मतले अग्रता लिइरहेकी छन्।

२२ हजार ६८६ मत गणना हुँदा रेणुले ७ हजार ८५७ मत प्राप्त गरेकी छन्।

एमालेका उम्मेदवार विजय सुवेदीले ७ हजार २५६ मत प्राप्त गरेका छन्।

यस्तै स्वतन्त्र उम्मेदवार जगन्नाथ पौडेलले तीन हजार ७३९ मत प्राप्त गरेका छन्।

उपप्रमुखमा नेपाली कांग्रेसका चित्रसेन अधिकारीले ९ हजार ४७९ र राप्रपाका हिमला गुरुङले ६ हजार मत प्राप्त गरेका छन्।

भरतपुर महानगरपालिकामा एक लाख २७ हजार ८३९ मत खसेको छ। यो अपडेट राती ११ बजेसम्मको हो ।